“Tatarstan” jurnalınıñ 85 yıllıq yubiley uñayınnan TR Däwlät Şurası särkätibe Valentina Lipujina jurnal xezmätkärlären qotladı. Ul “Tatarstan” jurnalı üzeneñ uquçıları arasında yuğarı zäwıqlılıq, äxlaq häm watanpärwärlek tärbiäli, dide. Ul şulay uq TR xökümäte häm Däwlät Şurası isemennän jurnal xezmätkärlärenä xökümät büläkläre tapşırdı. Alar arasında jurnalnıñ kampitrda bizäwçe-operator Tatyana Şmarinağa “Tatarstan respublikasınıñ atqazanğan mädäniät xezmätkäre” iseme digän diplom tapşırdı. Prezidentı Mintimer Şäymievneñ “Räxmät xatı” belän jurnalnıñ cawaplı särkätibe Klara Miñnullina belän jurnalnıñ baş xisapçısı Dilärä Näbiullinanı büläkläde. Ä Däwlät Dumasınıñ deputatı MMS komitetı isemennän, Ämbär Karmeev, “Tatarstan jurnalınıñ alıp barğan eşe xalıqara milli säyäsättä bik zur bäyälände, dip yazılğan Federal Cıyıleşınıñ MMS komitetı räise imzası quyılğan “Sälamläw Xatın” “Tatarstan” jurnalınıñ baş möxärrire Rifat Fättäxovqa tapşırdı.
Jurnal xezmätkärlären qotlarğa kilüçelär arasında “Tatmedia” MMÇ agentlığı citäkçeseneñ berençe urınbasarı Färit Şahiäxmätov jurnal xezmätkärlärenä “Tatmedia” agentlığı isemennän Maqtaw gramotaları tapşırdı.
Nurlat rayonınıñ cirle üzidaräse başlığı Fatix Sibğätullin, Nurlat rayonında “Tatarstan” jurnalına yazıluçılar bıyıl 8 tapqırdan artığraq,- dip çığış yasadı. Bäyräm belän qotlap, çit illärdän cibärelgän telegrammalar belän tamaşaçını tanıştırdılar. Alar arasında Finlandiädän Oqan Taxir häm Törkiädän professor Nadir Däwlätneñ telegrammaları da bar ide. Nadir äfände üzeneñ qotlaw telegrammasında jurnalnı çit illärdä kübräk taraluın teläp, jurnalğa latin imlasında yazmalar kertüne täqdim itkän.
Tantananıñ muzıkal bizäleşeneñ berençe bülegendä cırçılardan Aydar Ğabdinov, Yuliä Cihanşina, Zöhrä Säxäbieva, bayançı Ramil Kuramşin çığış yasadılar. “Säydäş” biyu ansamble belän , “Äkiät” qurçaq teatrı artistları da yubilyarlarnı qotladılar. Tantananıñ ikençe bülegendä Foat Mansurov citäkçelegendäge simfonik orkestrına quşılıp Zilä Sөnğätullina , İlham Şakirov, Georgiy Kovrikov, Gölnara Murzina, häm Peterburdan kilgän opera cırçısı Mariin teatrı solistkası Elina Şihabutdinova da çığış yasadılar. Yubiley tantanasına 85 kg çäk-çäk äzerlängän ide. Jurnalnıñ avtorları häm anıñ yaqın dusları bu könne Tatarstan respublikasınıñ säyäsi ütkäne häm bügengese turında bergäläp söyläştelär.
Mälikä Basıyr, Qazan
