Dimäşeq. Süriä xakimiate bügen, elekke vitse-prezident Ğäbdelxälim Xäddamnıñ, prezident Başar äl-Äsad äle Rafiq Xaririne üterügä berniçä ay qala, anı höcüm oyıştıru belän kisätkän ide digän süzlärenä yarsulı möğämälä belderde. Parlament äğzası Umeyma Fäddul Xäddamnı däwlätkä xiänät itüdä ğäyepläp, anı cawapqa tartunı täqdim itte. Vitse-prezidentlıqtan yün ayında kitkän Xäddam tawış çığarğan şul belderüen comğa könne "äl-Arabiä" telekanalında yasağan ide. Xäzer Parisda bulğan Xäddam, uzğan fivraldä maşinasın şartlatuda ülgän Xariri, Livannıñ elekke premyer-ministrı, Süridän yanawlar alıp tordı, aña qarşı qatı süzlär prezident Başar äl-Äsad yağınnan da işetelde, dip belderde. Süriä xökümäte Rafiq Xaririne üterügä qatnaşı buluın kire qağa.
