Älege säfäre barışında Nikolas Sarkozy Parij aldağı atnalarda berniçä qarar çığaraçaq dip Fransiäneñ Äfğänstandağı xärbiläre sanın arttıru mömkinlegenä işaräläde.
"Bez bälki Äfğän ğäskärlärenä künegülär birüçe Fransiä xärbilären arttırırbız. Şunısı açıq, bez monnan kitü turında işarä birergä telämibez, dönyada terrorçılıq kitergän hälakätne küzdä totqanda bu bik tä qızğanıç işarä bulır ide" dide Sarkozy.
Monı ul Qabulda Äfğän prezidentı Xämit Qarzai belän söyläşüdän soñ jurnalistlar belän oçraşuda äytte.
Sarkozy xalıqara xämäğätçelekkä Äfğänstandağı terrorçılıqqa qarşı suğışta ciñelergä yaramıy dide.
Parij xoquqıy, demokratik häm zamança Äfğän däwläte tözüdä yardäm itärgä teli dide Sarkozy.
Äfğänstan säfären ul NATO citälçelegendäge Xalıqara Iminlek Yardäme Köçläre başlığı general Dan McNeill belän söyläşüdän başladı.
Äfğänstanda 1300-läp Fransiä xärbie bar. Sarkozy alarnıñ qayberläre belän dä oçraştı.
Sarkozy üze belän Äfğänstanğa saqlanu ministrı Herve Morinnı häm tışqı eşlär ministrı Bermard Kouchnernı da alıp kilde.
Noyäber ayında Sakozy AQŞ Kongressına Fransiä xärbiläre Äfğänstanda küpme kiräk bulsa şul qädär toraçaq, ciñelü yulı bula almıy dip äytkän ide.
Fransiä xärbiläreneñ küpçelege çağıştırmaça iminräk bulğan Qabul tiräsendä urnaşqan. Qayberläre isä könyaqtağı Kandahar wiläyätendä. Şunda uq Fransiäneñ 6 Mirage höcüm oçqıçı da tora.
Waşington häm NATOnıñ başqa äğzaları Fransiäne üz ğäskärlären qurqınıçlıraq könyaq häm könçığış töbäklärgä küçerergä çaqırıp kilä.
Ämma bügen Sarkozy Äfğänstandağı problemalarnı xärbi çaralar belän genä çişü mömkin tügel dide. Bu anıñ ğisyançılarnı qoral taşlarğa künderü öçen tözekländerü häm tatulaştıru eşlärenä işaräläwe dip qarala.
Sarkozy şulay uq Pakstan terrorçılıqqa qarşı köräşkä täwäkkäl räweştä quşılırğa kiräklegen añlarğa tieş dide.
Comğa könne AQŞ saqlnu ministrı Robert Gates Äl-Qaidä Pakstannıñ Äfğänstan çigenä yaqın öleşlärendä nığıdı häm töp iğtibarın Pakstan xökümätenä qarşı höcümnärgä yünältä başladı dide. Älegä Äfğänstanda monıñ täesire sizelmi dide Gates.
Naif Aqmal
"Bez bälki Äfğän ğäskärlärenä künegülär birüçe Fransiä xärbilären arttırırbız. Şunısı açıq, bez monnan kitü turında işarä birergä telämibez, dönyada terrorçılıq kitergän hälakätne küzdä totqanda bu bik tä qızğanıç işarä bulır ide" dide Sarkozy.
Monı ul Qabulda Äfğän prezidentı Xämit Qarzai belän söyläşüdän soñ jurnalistlar belän oçraşuda äytte.
Sarkozy xalıqara xämäğätçelekkä Äfğänstandağı terrorçılıqqa qarşı suğışta ciñelergä yaramıy dide.
Parij xoquqıy, demokratik häm zamança Äfğän däwläte tözüdä yardäm itärgä teli dide Sarkozy.
Äfğänstan säfären ul NATO citälçelegendäge Xalıqara Iminlek Yardäme Köçläre başlığı general Dan McNeill belän söyläşüdän başladı.
Äfğänstanda 1300-läp Fransiä xärbie bar. Sarkozy alarnıñ qayberläre belän dä oçraştı.
Sarkozy üze belän Äfğänstanğa saqlanu ministrı Herve Morinnı häm tışqı eşlär ministrı Bermard Kouchnernı da alıp kilde.
Noyäber ayında Sakozy AQŞ Kongressına Fransiä xärbiläre Äfğänstanda küpme kiräk bulsa şul qädär toraçaq, ciñelü yulı bula almıy dip äytkän ide.
Fransiä xärbiläreneñ küpçelege çağıştırmaça iminräk bulğan Qabul tiräsendä urnaşqan. Qayberläre isä könyaqtağı Kandahar wiläyätendä. Şunda uq Fransiäneñ 6 Mirage höcüm oçqıçı da tora.
Waşington häm NATOnıñ başqa äğzaları Fransiäne üz ğäskärlären qurqınıçlıraq könyaq häm könçığış töbäklärgä küçerergä çaqırıp kilä.
Ämma bügen Sarkozy Äfğänstandağı problemalarnı xärbi çaralar belän genä çişü mömkin tügel dide. Bu anıñ ğisyançılarnı qoral taşlarğa künderü öçen tözekländerü häm tatulaştıru eşlärenä işaräläwe dip qarala.
Sarkozy şulay uq Pakstan terrorçılıqqa qarşı köräşkä täwäkkäl räweştä quşılırğa kiräklegen añlarğa tieş dide.
Comğa könne AQŞ saqlnu ministrı Robert Gates Äl-Qaidä Pakstannıñ Äfğänstan çigenä yaqın öleşlärendä nığıdı häm töp iğtibarın Pakstan xökümätenä qarşı höcümnärgä yünältä başladı dide. Älegä Äfğänstanda monıñ täesire sizelmi dide Gates.
Naif Aqmal