Буковскийны намзәт итеп теркәмәүне Русия Югары махкамәсе дөрес дип тапты

Русиянең Югары махкамәсе Үзәк сайлау комиссиясенең танылган язучы һәм хокук яклаучы Владимир Буковскийны президентлыкка намзәт итеп теркәмәүне кануни дип тапты. Элегрәк Югары махкамә шулай ук президентлыкка дәгъва кылган башка 4 кешенең шикаятен дә кире каккан иде.
Русия президенты сайлау алды кампаниясендә катнашу өчен 6 намзәт кертелде. Аның берсе – Уң көчләр Берлеге фиркәсе лидеры Борис Немцов сайлауларда катнашудан баш тартты.