Accessibility links

Кайнар хәбәр

Rusiä belän Gruziä arasında oçqıç nizağı


Kiçä Tiflistä, Gruziä hawa kiñlegendä ber Gruziä oçqıçınıñ Rusiä xärbi oçqıçı tarafınnan bärep töşerelüen kürsätkän video yazmanıñ näşer itelüe belän Rusiä belän Gruziä arasındağı kiyerenkelek qabat arttı.

Älege xäl isä Rusiäneñ Gruziäneñ nizaqlı Abxaziä häm könyaq Osetiä töbäge belän bäyläneşlärne arttıram digändä, Mäskäw belän Tiflis arasında elek tä bulğan kiyerenkelekne xäterlätä.

Gruziä saqlanu ministrlığı kiçä, çittän idarä itelgän oçqıç eçenä urnaştırılğan ber kamera aşa töşerelgän videoda Rusiä suğış oçqıçınıñ älegä oçqıçqa yaqınayıp anı raketa belän şartlatuın kürsätkän ber video yazma çığardı.

Abxaziä räsmiläre asılda älege oçqıçnıñ töşerelüendä cäwaplılıqnı üz östenä alıp, oçqıç qaldıqlarınıñ sonınnan Abxaziä cirlegenä üzläre tarafınnañ küçerelüen räsmi bularaq açıqlağan ide.

Läkin başta Gruziä räsmiläre oçqıçnın töşerelüen inqar itte. Läkin sonınnan oçqıçnıñ Rusiä tarafınnañ bärep töşerelüen däğwä itä başladı.

Bu waqıyğadan soñ Gruziä prezidentı Mixail Saakaşvili televideniedä yasağan çığışında, Rusiä prezidentı Vladimir Putingä, Rusiäne Gruziägä qarşı höcümnären tuqtatırğa çaqırğan belderü yasawı turında söyläde.

“Älege höcüm BMO qısalarında yavuz ber xäräkät. Bäysez ber däwlät qanunsız, yawuzlarça xalıqara tärtipne bozıp başqa ber däwlät tarafınnañ bombalana, bu xalıqara tärtipne tanımıyça yasalğan ber höcüm”

Kremlin isä ğayepläwne inqar itä. Rusiä hawa köçläre xärbi räsmiläre, ul könne könyaq Rusiä çiklärenä ber nindi oçqıçnıñ cibärelmäwe turında belderä.

Abxaziä töbägendä Rusiä tınıçlıq saqlaw köçläreneñ xezmät itüe Tiflistä zur rizasızlıq tudıra. Gruziä yağı älege höcümneñ Rusiäle tınıçlıq saqlaw köçläreneñ töbäktän kitep alar urnına xalıqara köçlärneñ urnaştırıu kiräklelegen, tağın ber qat kürsätüe turında söyli. Älege fikerlär belän, Gruziä parlamentında iminlek häm saqlanu komitetı başlığı Targamedze, radiobızğa birgän äñgämäsendä bolay söyläde:

“Rusiä bezgä tağın ber qat, älege waqıyğa aşa anıñ töbäktäge nizaq tarafdarı buluın – şunın öçen anıñ tınıçlıq saqlaw wazifasında qaluının mäğnäsez buluın dönyağa kürsätü öçen, ber mömkinçelek tudırdı. Şulay uq xäzer bez inde rus köçläre urnına yaña xalıqara köçlär urnaştıru turındağı mäsäläne xäl itü öçen çaralar başlarğa tiyeşbez.”

Bu xäl bıltır bulğan waqıyğanı xäterlätä. İsegezdäder, uzğan yılnı Gruziä, Rusiäne üz hawa kiñlegenä kergän ike suğış oçqıçınıñ Gruziä idaräsendä bulğan ber awıl çigenä raketa cibärüdä ğayepläp çıqqan ide. Mäskäw älege ğayepläwne kire qaqtı. Xalıqara tikşerenü törkemnäreneñ näticäläre isä älege ğayepläwne köçländerer däräcädä ide.

Mäskäw belän Gruziä arasındağı şuşı süz talaşına, Waşiñton häm BMOdan kisätü kilde.

BMO sekretarı süzçese Michele Montas, BMOnıñ Gruziädäge xällärne küzätü häyäteneñ Abxaz häm Gruzin räsmiläre däğwä itkänçä nizaqlar bulğan töbäktä qanunsız xärbi baza tözü turında qullarında dälilläre bulmawın belderde.

Montas mondıy ğayepläwlär xällärne tağın da totrıqsızlıqqa etäräçäk dip kisätep, ike tarafnı da bu ğamällären tuqtatırğa çaqırdı.

AQŞ däwlät departamentı süzçese Tom Casey isä Gruziäneñ bötenlegen yaqlap, ike tarafnı da nizaqnı çişü yulında tınıç çaralarğa möracäğat itärgä çaqırdı:

"Bez bu xälgä bik borçılabız. Mäğlüm bulğança monnan elek tä ike tarafnı qotırtırlıq waqıyğalar bulğan ide. Bez mondıy oçraqlarnıñ tağın qabatlanuın yäisä ike kürşe il arasında kiyerenkelekneñ arttıraçaq xällärneñ qabatlanuın telämibez. Bez ike arada yaxşı mönäsäbätlärenñ buluın ömet itäbez”

Русия белән Грузия арасында очкыч низагы (видео)

XS
SM
MD
LG