Кавказдан алып Үзәк Азия илләренә кадәр мөселман дөньясында Рамазан ае күренешләре:
1- Бишкәк мәчетендә хатын-кызлар
2- Багдадта Рамазан базары
3- Таҗикстанда Рамазан аенда нишалда пешерәләр
4- Кабулда фәкыйрьләргә ифтар мәҗлисе
5- Азәрбайҗанда авыз ачу
Кабулда фәкыйрьләргә ифтар мәҗлисе
Кабулның Пуле Кәшти мәчетендә ифтар ашы мәҗлесе күренешләре. Рамaзанда фәкыйрьләр ифтарга авыз ачу өчен мәчетләргә чакырыла. Байлар мәчет тарафыннан оештырылган бу чарага матди ярдәм күрсәтә.
Багдадта Рамазан базары
Гыйрак башкаласында халык Алшорҗа урамы базарында ифтар өчен азык-төлек сатып ала. Авыз ачканнан соң да эшләгән кибетләрдә халыкның иң яраткан ризыгы - татлылар. Базарның икенче почмагында исә ял иткән кешеләр Рамазанга махсус уеннар уйный.
Таҗикстанда Рамазан аенда нишалда пешерәләр
Таҗикстанда Рамазан аенда һәр гаиләдә диярлек өстәлгә нишалда исемле татлы куела. Суга шикәр салып бер сәгать кайнатаканнан соң, йомырка агы, лимон суы, ванилин, анис һәм нишалда агачының тамыры өстәлә. Авыз ачканда һәм сәхәргә шушы татлыны кабып куйсаң, уразаны тоту җиңелрәк, ди таҗиклар.
Бишкәк мәчетендә хатын-кызлар
Бишкәкнең үзәк мәчете Кыргыз башкаласы мөселманнары иң күп йөри торган урын санала. Анда ирләр һәм хатын- кызлар өчен аерым урыннар каралган. Хатын- кызлар мәчетнең арткы ишегеннән керә. Рамазан аеның беренче көнендә мәчеткә шактый күп ханымнар һәм яшь кызлар килде.
Казакъстанда да Рамазан башланды
Рамазан аеның беренче иртәсендә Алма-атаның үзәк мәчетенә дистәләрчә кеше җыелды.
