Быелгы Ана теле уңаеннан Татарстанда яшьләр тарафыннан беркадәр хәрәкәт, сөйләшү булды. Яшьләрнең Казан каласында пикетка чыгулары да бәян ителде. Ана теле көне алдыннан Чулман төбәгендәге берничә яшь кешедән мәктәпләрдә, югары уку йортларында, урамда һәм гаиләдә татарча сөйләшүләр турында беркадәр фикерләр белештек.
Илнур Галиев Түбән Кама каласында яши, химия ширкәтендә эшли. Ул шушы каланың “Азатлык” татар яшьләре бүлеген җитәкли, шәһәр ТИҮе әгъзасы.
Булат Гатин Чаллыда яши. Яшьләр эшендә катнашып тора. Пермь ягында туган бу егет хәзерге вакытта Алабугада эшли.
Илмир Салихов узган ел фамилиясендәге “ов” кушымчасын алдыру эшен башлаган һәм күптән түгел яңа паспорт алган. Бу эштә булган кыенлыклар, хакында без Илмир белән сөйләштек.
Бу эшне башларга әзер булуымны аңлагач, 2011 елның август азагында ЗАГСка гариза яздым. Бар документларны алыштырдым. Моның өчен 1500 сум чамасы акча тоттым. Әти-әни бу күренешкә “данлыклы буласың киләмени” дип шаяртыбрак карадылар. Аннан риза булдылар. ЗАГСта да фамилия үзгәртү сәбәбе белән нык кызыксындылар. Мин аларга “бабам исемен йөртәсем килә”, дип җавап бирдем. Бу аларны канәгатьләндермәде. Нәтиҗәдә, алар “дини карашлар аркасында” дип яздылар. Асылда мин бабам исемен ничек бар, шулай алырга теләдем”, дип ассызыклады Илмир.
Әлеге язмада исемнәре әйтелгән яшьләр алга таба да ана теленә битараф булмабыз, аны онытмас, оныттырмас өчен кулдан килгәнне эшләрбез дигән фикерне әйттеләр.