Адвокат Зөһрә Хамроева аның гаиләсендә СОVID-19 вирусына анализның уңай булуын Азатлыкка хәбәр итте. Аның сүзләренчә коронавируска анализ үзендә дә, аның белән бергә яшәгән кызы һәм энесендә дә уңай дип күрсәткән.
"Бу анализны якшәмбе көнне алганнар иде. Нәтиҗәсе уңай дип хәбәр иттеләр. Әлегә өйдә дәваланып карыйбыз", диде ул. Хамроева Азатлыкка кызына бер тапкыр да участок педиаторы килмәвенә дә зарланды.
Хамроева ире, хокук яклаучы Бахром Хамроевка да коронавирус диагнозын раслаганнар. Ул 30 март Мәскәүдән Казанга кайткан булган. 31 март Бахром әфәнденең температурасы күтәрелеп, ашыгыч ярдәм аны Республика инфекция хастаханәсенә алып киткән.
БУ ТЕМАГА: Зөһрә Хамроева: "Карантинда бикләнеп калдык"Элегрәк Хамроева Азатлыкка сөйләгәнчә, соңгы берничә көндә аның һәм энесенең температурасы күтәрелгән. Гаилә ашамлыклар һәм дарулар китертеп сорап, волонтерларга мөрәҗәгать иткән, ләкин аларга "без хезмәткәрләрнең сәламәтлеген куркыныч астына куя алмыйбыз" дип җавап биргәннәр.
Your browser doesn’t support HTML5
Зөһрә Хамроева: "Карантинда бикләнеп калдык. Волонтерлар килүдән баш тарта"
Татарстанда рәсмиләр бүген коронавирус йоктыруның яңа очраклары турында хәбәр итмәде. Бүгенге көндә республикада 41 кешедә коронавирус ачыкланган, шуларның сигезе савыгып хастаханәдән чыккан. 6 апрель иртәсенә республикада 16 яңа очрак булуы хәбәр ителгән иде. Аларның барысы да читтән кайткан кешеләр диелде.
Русиядә коронавируслы авырулар саны 7497гә җитте. Соңгы тәүлектә COVID-19 тагын 1154 кешедә расланган.