Accessibility links

якшәмбе, 11 декабрь 2016, Казан вакыты 11:01

Русиянең Сенцов һәм Кольченкога төрмә җәзасына Европада протест белдерәләр


Сенцов (с) һәм Кольченко

Сенцов (с) һәм Кольченко

Германиянең Мюнһен шәһәрендә яшәүче украиннар Русия генераль консуллыгы янында кинорежиссер Олег Сенцов һәм активист Александр Кольченконы азат итү таләбе белән протест чарасы үткәрде.

Кинорежиссер Олег Сенцов һәм активист Александр Кольченко янәсе "террор гамәле әзерләгән" дип гаепләнеп төрмәгә ябылды. Германиянең Мюнһен шәһәрендә яшәүче украиннар моңа протест белдереп Русия генераль консуллыгы янына җыелды.

Элгәре шундый ук чара Германиянең Берлин шәһәрендә дә узган иде. Илчелектән бу чараларга ниндидер реакция сизелмәде.

Олег Сенцов һәм Александр Кольченконы яклап Европада һәм Русиянең үзендә дә протест чаралары үтә.

25 августта Русия мәхкәмәсе Сенцовны 20 елга каты тәртиптәге төрмәгә ябу карары чыгарды. Кольченконы 10 елга ирегеннән мәхрүм итте. Алар янәсе Кырымда "террор гамәлләре оештыруда" гаелпәнде. Сенцов та Кольченконы да гаепләүләрне кире кага, адвокатлары гаепләүне шикаять итәргә җыена.

XS
SM
MD
LG