Comğa kiçen pravoslav xristiannarnıñ Raştua bäyräme başlana. Şimbä häm yäkşämbe könnärendä şuşı uñaydan Başqortstannıñ barlıq çirkäwlärendä bäyräm çaraları, ğibädät qılular oyıştırılaçaq. Başqortstan pravoslavları başlığı, Ufa häm Stärletamaq Arxiepiskobı Nikon ataqay din qärdäşlären şuşı olı bäyrämnäre belän qotlap möräcäğät itte. Anda ul uzğan yılnıñ Başqortstan pravoslav dinen totuçılar öçen uñışlı bulğanlığın äytä. “Respublikada 16 yaña gıbadätxanä açıldı häm xäzer gıbadätxanälär sanı cämğısı 206 ğa citte, şulay uq 6 monastır'' da eşläp kilä”, - dip xäbär itä Arxiepiskop Nikon.
Başqortstan pravoslavların Raştua bäyräme belän respublika Prezidentı Mortaza Räximov ta qotladı. Respublika matbuğat çaralarında comğa könne dönya kürgän bu möräcäğättä ilbaşı üzeneñ iñ izge teläklären citkerä. “Başqortstanda bezneñ yaq öçen ğädäti bulğan barlıq dinnärgä ışanuçılar arasında üzara äybät mönäsäbätlär urnaşuı quanıçlı, - di Räximov äfände. – Bu xäl cämğiättä üzara añlaşuğa, tınıçlıqnı, kileşep yäşäwne häm totrıqlılıqnı saqlawğa häm nığıtuğa bulışlıq itä”.
Prezidentnıñ süzläre xaq – Başqortstanda dinnärara tatulıq yäşäp kilä. Törle konfessiälär başlıqları arasında da gel üzara añlaşu, qayber çaralarda bergäläp qatnaşu da küzätelä. İñ zur küpçelegen İslam dinen häm pravoslavie dinen totuçılar elek-elektän bergä yäşägän töbäk bulğanğa, ğadi xalıq arasında ber-bereñneñ dinen xörmät itü yäşäp kilde. Şulay da törle çorlarda Rusiä türäläre başbaştaqlığı dinnärne säyäsätkä buysındırırğa omtıldı.
Fänis Fätxi, Ufa
Başqortstan pravoslavların Raştua bäyräme belän respublika Prezidentı Mortaza Räximov ta qotladı. Respublika matbuğat çaralarında comğa könne dönya kürgän bu möräcäğättä ilbaşı üzeneñ iñ izge teläklären citkerä. “Başqortstanda bezneñ yaq öçen ğädäti bulğan barlıq dinnärgä ışanuçılar arasında üzara äybät mönäsäbätlär urnaşuı quanıçlı, - di Räximov äfände. – Bu xäl cämğiättä üzara añlaşuğa, tınıçlıqnı, kileşep yäşäwne häm totrıqlılıqnı saqlawğa häm nığıtuğa bulışlıq itä”.
Prezidentnıñ süzläre xaq – Başqortstanda dinnärara tatulıq yäşäp kilä. Törle konfessiälär başlıqları arasında da gel üzara añlaşu, qayber çaralarda bergäläp qatnaşu da küzätelä. İñ zur küpçelegen İslam dinen häm pravoslavie dinen totuçılar elek-elektän bergä yäşägän töbäk bulğanğa, ğadi xalıq arasında ber-bereñneñ dinen xörmät itü yäşäp kilde. Şulay da törle çorlarda Rusiä türäläre başbaştaqlığı dinnärne säyäsätkä buysındırırğa omtıldı.
Fänis Fätxi, Ufa
