Rusiä prezidentı Vladimir Putin bügen Federal İminlek Xezmäte FSB baş fatirında yasağan çığışında Rusiä küzläw xezmäteneñ çit il şpionnarın açıqlawdağı yuğarı ostalığın bilgeläde:
"Küzläw oyışmaları yuğarı ostalıq däräcäsen kürsätte. Şpionnar cäncalınıñ xökümättän bäysez oyışmalarğa külägä töşerüe qızğanıç. Ämma monıñ öçen Federal İminlek Xezmäte ğäyeple tügel, xökümättän bäysez oyışmalar aqçalarnıñ qaydan kilüenä saqlıq belän qararğa tieş."
Küptän tügel 4 Britaniä diplomatı Rusiädä küzläw eşläre belän şöğellänüdä ğäyeplände. Alarnıñ berse xökümättän bäysez oyışmalarğa aqça birep torğan dip farazlana. Xoquq yaqlaw oyışmaları bu ğäyepläwlärne kire qağıp, bu xälneñ qarşılıqlı qanun qabul itelgännän soñ eşlänüe – maxsus äzerlängän kampaniä ide, dip belderde. AQŞnıñ Rusiädge ilçese William Burns bügen Rusiä buylap üzeneñ berençe säfären Qazannan başlap, Tatarstan prezidentı Mintimer Şäymiev belän oçraştı. Soñınnan matbuğat oçraşuında, Burns, xökümättän bäysez oyışmalar turındağı qanunnıñ niçek itep ğämälgä kerüen küzätep baraçaqların belderde:
"Bez yaña qanunnıñ ğämälgä kerüen iğtibar küzätep baraçaqbız, çönki xökümättän bäysez oyışmalar Rusiä cämğiäte öçen bik faydalı häm bez alarğa Rusiä qanunnarı qısalarında yärdäm itüne däwam itäçäkbez."
"Küzläw oyışmaları yuğarı ostalıq däräcäsen kürsätte. Şpionnar cäncalınıñ xökümättän bäysez oyışmalarğa külägä töşerüe qızğanıç. Ämma monıñ öçen Federal İminlek Xezmäte ğäyeple tügel, xökümättän bäysez oyışmalar aqçalarnıñ qaydan kilüenä saqlıq belän qararğa tieş."
Küptän tügel 4 Britaniä diplomatı Rusiädä küzläw eşläre belän şöğellänüdä ğäyeplände. Alarnıñ berse xökümättän bäysez oyışmalarğa aqça birep torğan dip farazlana. Xoquq yaqlaw oyışmaları bu ğäyepläwlärne kire qağıp, bu xälneñ qarşılıqlı qanun qabul itelgännän soñ eşlänüe – maxsus äzerlängän kampaniä ide, dip belderde. AQŞnıñ Rusiädge ilçese William Burns bügen Rusiä buylap üzeneñ berençe säfären Qazannan başlap, Tatarstan prezidentı Mintimer Şäymiev belän oçraştı. Soñınnan matbuğat oçraşuında, Burns, xökümättän bäysez oyışmalar turındağı qanunnıñ niçek itep ğämälgä kerüen küzätep baraçaqların belderde:
"Bez yaña qanunnıñ ğämälgä kerüen iğtibar küzätep baraçaqbız, çönki xökümättän bäysez oyışmalar Rusiä cämğiäte öçen bik faydalı häm bez alarğa Rusiä qanunnarı qısalarında yärdäm itüne däwam itäçäkbez."
