Paqstan räsmiläre äytüençä Möxämmät päyğämbär karikaturalarına protest belderep Karaçida 40 meñläp keşe demonstratsiägä çıqqan. Paqstanda protest çaraları inde rättän 4-nçe kön däwam itte. Karaçi politsiäse citäkçese Muştraq Şah demonstratsiäçelärneñ şähär üzägenä ütü yulı buylap kaska-qalqanlı, utlı qorallı 5 meñläp iminlek xezmätkäre urnaştırıldı dide. Demonstratsiäne Cämät Ali-Sönnät isemle ber keçkenä törkem oyıştırdı. Älegä bäreleşlär turında xäbärlär yuq. Yewropa gazetlarında Möxämmät päyğämbärgä karikaturalar bastırıluğa açu belderep bu atnada Paqstan şähärlärendä uram cıyınnarı ütte. Alarda çıqqan bäreleşlärdä kimendä 5 keşe ülde.
Yämän başqalası Sanaada karikaturalarğa qarşı demonstratsiägä 60 meñläp keşe cıyıldı. Filipinda demonstratsiäçelär karikaturalarnı bastırğan ike Daniä jurnalistı qaraçqılarınıñ başların kiste.
