Kiçä Hindstannıñ Varanasıy şähärendäge şartlawlardan soñ, böten Hindstanda iminlek çaraları köçäytelgän. Bu şartlawlardan kimendä 20 keşe haläk bulğan, distälärçä keşe yaralanğan. Politsiä, induslar öçen izge bulğan urınnarnı saqlawnı köçäytkän. Sişämbe könne Varanasıyda ike şartlaw berse induslar xramında, ikençese woqzalda yañğıradı. Şähärdä tağın berniçä şartlatqıç caylanma tabılğan. Älegä bu xällärgä cawaplılıqnı berkem dä üz östenä almağan. Politsiä monı teraqt dip bäyäli. Waranasıy şähäre dönyada iñ borınğı şähärlärneñ berse, şul uq waqıtta induistlarnıñ iñ zur izge cire bulıp sanala. Şähärgä xacğa kilüçelär da, turistlar da küpläp cıyıla.
