“Rusiä patriotları” firqäseneñ Başqortstan bülekçäse konferensiä ütkärde. Anda firqäneñ aprel' ayında Mäskäwdä uzaçaq qorıltayına delegatlar häm idärägä östämä äğzalar saylandı.
Çara başta “Turist” kunakxanäseneñ biznes-üzägendä bulırğa tieş ide. Läkin kunakxanä citäkçeläre tüşämdäge ber yarıqqa sıltaw itep, bina birüdän baş tartqan. İmeş, bina işelüe ixtimal. Artaban “Başqortstan” kunakxanäse belän kileşü tözegännär. Aları çara başlanır aldınnan ut özelüen, timerçıbıqlarnı qomıq kimerep özüen xäbär itkän. Näticädä konferensiägä cıyıluçılar ayağöste genä söyläşergä mäcbür bulğan.
Mäskäwdän kilgän “Rusiä patriotları“ firqäse räise urınbasarı Oleg Balayıwski bina belän tuğan awırlıqlarnıñ töp säbäben añlamıy qaytıp kitkän. Ul Ufadağı kunakxanälärneñ iskerüenä ğäcäplänü beldergän. Bu turıda firqä bülekçäse räise Zahir Xäkimov xäbär itte.
