Accessibility links

шимбә, 10 декабрь 2016, Казан вакыты 02:09

Xodorkovskigä törmädä höcüm yasalğan


Mäskäw. Mixail Xodorkovskineñ advokatı Yuri Smidt süzlärenä qarağanda, YUKOS şirkäteneñ elekke başlığına törmädä höcüm yasalğan häm ul şunıñ näticäsendä cäräxätlär alğan. Şmidt, şul höcüm atnakiçtän comğağa qarşı töndä, Xodorkovski belän zindanda bergä utırğan keşe tarafınnan yasalğan, ul aña quldan eşlängän pıçaq belän höcüm itkän, dip belderde. Şunnan soñ Mixail Xodorkovskine törmä xastaxanäsenä kiterep, aña yamawlar salğannar. Rusiäneñ törmälär xezmäte isä bu xäbärne kire qağa, ul, berençe mäğlümatqa qarğanda, Xodorkovski zindandağı şul keşe belän ärepläşep kenä alğan häm şunıñ näticäsendä anıñ borınında tırnalğan ez genä bar, dip belderä. Rusiäneñ iñ uñışlı eşmäkäre sanalğan Mixail Xodorkovski törmägä 8 yılğa xökem itelgän ide.

XS
SM
MD
LG