Accessibility links

шимбә, 10 декабрь 2016, Казан вакыты 09:55

Mortaza Räximov isän-haw


Prezident xäkimiätenän töşkän maxsus farman buyınsa kisä Öfö qala xäkimiäte başlığı urınbasarı Sıntimer Bayazítov Mortaza Räximovtıñ yeñew könöndä qayźa bulasağı turahında la xäbär itte. Sıntimer Bayazítov bına şulay här höylämdä tierlek prezident hüźen qıstırıp, respublika yetäkseheneñ isän-haw ikänen belgertergä teyeş ine. Huñğı köndärźä respublikala Mortaza Räximov insult menän dawaxanağa yatqan tigän imeş–mimeştär taralğaynı. Prezident xäkimiäte ularğa iğtibar itergä tırışmaha la, xalıq arahında prezident ülgän tigän hüźźär yışayğas Sıntimer Bayazítov hüźźäre menän xalıqtı tınıslandırırğa buldı axırı. Mortaza Räximov wafat bulğan tigän xäbärźe oppozisianıñ ber säxifähe taratqaynı.

Mortaza Räximov kisä Alekseyevqa xujalığında hıyır fermahına nigeź taşı la haldı. 9 May veterandarźı qotlanı "Bögön beź tärän ixtiram menän yaw yalandarında häm xeźmät frontında Yeñewgä üź ölöşön indergän Başqortostan uldarın häm qıźźarın iskä alabıź. Donyanı faşizmdan azat itkän yeñewselärźeñ izge istälege bıuattarźan–bıuattarğa dawam ithen" tine Mortaza Räximov. Yeñew parqında ber olo yäştäge inäy Mortaza Räximov ergähenä kilep "Hine ülgän tip äytälär, äyźä ber sınayaq säy es" tip saqırźı, ämmä prezident hıyźan baş tartıp, Räximov ösön qaytqas front yöź gramın kütärermen tine.

Mayźandarźa xalıq Mortaza kürew menän unıñ ergähenä aşıqtı. Bıl Mortazamı ällä unıñ dvoyniğımı? Xalıqtı täw siratta şul horaw borsoy ine. Mortaza Räximov tere ikänen kürgäs xalıq ısın küñeldän säpäkäläne. 9 May Başqortostanda ğäźättägesä, veterandarźı täbriklänelär, bötä mayźandarźa la ular ösön säxnäläşterelgän tamaşalar oyoştorolğaynı.

XS
SM
MD
LG