Accessibility links

шимбә, 10 декабрь 2016, Казан вакыты 10:11

570-se kvartal batalionı


Öfönöñ Yañı küper, Puşkin häm Frunze uramdarı kiźeleşendä urınlaşqan kvartalda yäşäwselärźeñ oyoştorow yıyılışında yämäğät üźidäralığı şunday isem aldı. Watandaştar üźźäreneñ qanunlı mänfäğättären yaqlaw ösön berläşkän. Töp säbäp -xökömdarźarźıñ oşo kvartaldan ber ğäiläne küsereregä teläwe. Ämmä bında yäşäwselär äytewensä, bıl säbäp artında ikense säbäp tä bar. Yorttar töźöüse şirqät bında sirattağı bina halırğa niätläy. Öźtän töşkän farman buyınsa bında awır texnika kilterelä. Yäşäwselär traktor aźtına yatabıź tip qurqıtqas qına, çinovniktar texnikağa kitergä quşqan. 570-se kvartal batalionınıñ üź kombatı la bar. Kvartal batalionı 2000 häm 2004 yıldarźa Vladimir Putin ösön birelgän tawıştarźı kire alıu turahında räsäy prezidentına,üźäk haylaw komissiahına xat yebärgän. İldeñ ğäźel barlıq watandaştarın da ular şulay itergä saqıra. Düşämbe irtän 570-se batalion qoymalarğa lozunğılar elgäyne. Kese yoma häm yoma köndärendä kvartalda pikettar dawam itäsäk. Başnyus säxifähe xäbär itewensä, piket oyoştorowsılar berläşkän oppozisianıñ koordinasia şurahına la möräjäğät itkän. Frunze uramındağı ağas yorttar inde küptän yäşärgä yaraqhıź tip tabılğan häm iźke yorttarźı hütew buyınsa prezident programmahına inderelgän. Ämmä bında yäşäwselär torlaq mayźanı normalarına yawap birmägän fatirźar birelmäyensä yäşäşägn urındarınan küserelä. Berläşkän oppozisia kvartal mäsälälärenän dä fayźa küreregä buldı. Miźaldıñ ikense yağı la bar. Öfönöñ bıl rayonında fatirźar bik qimmät. Berźän qalanıñ urtahı, ikensenän administrativ binalar źa oşonda tierlek urınlaşqan. Ağiźel yılğahı la ergälä genä. Bılarźıñ barıhı la torlaq xaqın arttıra la inde. Küptär torlaq yorttar hütelewen belep qalğas, unda sit keşelärźe yaźźıra başlağan. Buşqa tügel, älbittä. 600 meñ humğa yetä. Huñınan öy hütelgäs, xuja la, tege sit keşelär źä fatir ala. Öfö qala xäkimiätenän xäbär itewźärensä, ber fatirźa 120 keşe yaźılğan bulğan. Qanun buyınsa, äy hütelgäs ularźıñ här berehen fatir menän tämin itergä käräk. Xäźer bına şul problema qabırğahı menän kilep törtöldö. Bıl 570 kvartal batalionın ğına borsoğan mäsälä tügel, bıl mäsälä xäźer totaş qala ösön möhim. Sönki qasandır kökört tultırılğan bıl miskäneñ dä şartlawı ixtimal. Ägär berläşkän oppozisia oźta eş ithä, ul waqıtta iźkergän torlaqta yäşäwse tiźtälägän meñ keşeneñ Putin ösön birelgän tawıştarın kire alıuı ixtimal. 570-se kvartal respublika yortonan yıraq tügel urınlaşqan. Ämmä bıl xälgä qarata äle qala çinovniktarınıñ da, prezident xäkimiätenän dä añlatma yuq.

XS
SM
MD
LG