Accessibility links

якшәмбе, 4 декабрь 2016, Казан вакыты 21:37

Bağdatta köçle şartlau buldı


Bağdatnıñ şiğıylar yäşägän öleşendäge bazarda bomba quyılğan maşína şartlatıldı. Bu xäl bügen irtän buldı. Soñğı xäbärlärgä qarağanda şartlaw näticäsendä 60 tan artıq keşe hälaq buldı. 100 dän artıq keşe yaralandı.

Annan da qala Ğıyraq başqalasınıñ şiğilar bistäsendä parlament deputatı häm anıñ 7 saqçısı urlanğan digän xäbärlär dä kilä. Deputat sönnilär cämäğätçelegennän bulğan. Bu waqiğa turında täfsille xäbärlär älegä yuq. Ğıyraq parlamentı deputatı, körd Mäxmüt Otman xälgä bolay bäyä birde: “Min bu xäbär döres bulmas dip ışanam. Ägär dä çınlap ta şulay bulsa, iminlek täemin itü öçen şartlar tudırırğa häm dinara nizağnı çişü yulların tabarğa kiräk. Ägär dä xäl parlament deputatın häm anı saqlawçılarnı urlawğa qädär barıp citsä, minem uylawımça bu citdi äyber.

XS
SM
MD
LG