Accessibility links

җомга, 9 декабрь 2016, Казан вакыты 10:49

Baqıyıv Berezovskiy belän oçraşuın kire qağa


Qırğızstan prezidentı Qormanbäk Baqıyıv, Rusiä räsmiläre cinayätlärdä ğäyepläp ezlägän, tanılğan eşquar Boris Berezovskiy belän yäşeren räweştä oçraşuı turındağı xäbärne kire qaqtı. “Min anı üz ğömeremdä berqayçan da kürgänem yuq, anıñ da mine. Bezneñ arada bernindi dä bäyläneşlär bulmadı. Häm bezneñ çik xezmäte miña anıñ berqayçan da Bişkäktä bulmağanlığın xäbär itte”,- dide Qırğızstan prezidentı Qormanbäk Baqıyıv.

Baqıyıv süzlärençä, bu xäbärne taratuçılarnıñ maqsatı Rusiä prezidentı Putin belän anıñ arasın bozarğa teläw. Elegräk Qırğızstan parlamentındağı oppozitsiadäge deputatlar, yül ayında Berezovskiy Londonnan Baqıyıv belän oçraşu öçen yäşeren räweştä kilde, digän xäbärne tikşerüne taläp itkän ide.

XS
SM
MD
LG