Accessibility links

шимбә, 10 декабрь 2016, Казан вакыты 23:38

Mäskäw mädäni üzägendä talyan moñnarı


5 noyäberdä Mäskäwneñ mädäni üzägendä Sara Sadıyqovanıñ 100 yıllığına bağışlanğan çarada Başqortstannıñ Dürtöyle rayonı İsmail awılı üzeşçännäre çığış yasawı xalıq öçen dä, Başqortstan üzeşçännärneñ üzläre öçen kötelmägän şatlıqlı oçraşu buldı. Bu könnärdä Mäskäwdä, Mäskäw meriäsı häm mädäniät ministrlığı oyıştırğan “Roza vetrov” dip isemlängän, üzeşçän kollektivlarnıñ konkurs- festivalläre uza. Şuşı çarağa Başqortstan respublikasınnan da ber törkem üzeşçännär kilgän. Biredä cır biyu genä tügel, xalqıbıznıñ yaratqan muzıka qoralı tal''yan garmunda uynıylar İsmail awılı yegetläre. Bu törkemneñ citäkçese İsmail awılınıñ muzıka mäktäbe direktorı Ayrat Xarisov tal''yan garmunnarnı üze yasıy, üze ük balalarnı da uynarğa öyrätä iqen. Ayrat äfände, minem bernindi dä muzıqa belem yuq, min räsem uqıtuçısı, läkin ätiem tal''yanda uynıy ide, xäyer bezneñ näsel barısı da muzıka qorallarında uynıylar. Menä xäzer üzem dä şuşı eşneñ ostasına äylänep kittem, dide. Alar Mäskäwgä üzläre yasağan tal''yannarda uynarğa muzıka mäktäbe balaların alıp kilgännär. Alar talantların konkurs jyurie qarşında 8 noyäberdä İzmaylova konsert zalında kürsätäçäklär.

Mäskäwlelär tal''yan ostaların säxnädän töşermi alqışlarğa kümde. Şulay itep, üze dä garmunda uynarğa yaratqan Sara apa Sadıyqovanı iskä alu kiçäsendäge tal''yan moñnarı bu oçraşuğa ayırım ber moñlı bizäk östäde.

Näzifä Kärimova, Mäskäw

XS
SM
MD
LG