Respublikada bulğan waqiğalar ğına tügel, dönya xälläre dä iğtibarsız qalmıy tatarstanlılardan. Pänceşämbe irtäsendä Törekmänstan citäkçese Säpärmorat Niazovnıñ wafat buluı da bitaraf qaldırmadı keşelärne. Xäyer, ğomerlekkä prezident itep saylanğan törekmänbaşınıñ 67 yäşendä kinät kenä yaqtı dönyadan kitüenä ışanmadılar da küplär. Törekmän xalqın qızğanuçılar da oçradı. Qaysıberläwlär isä Niazovnıñ XX ğasırnıñ töp diktatorlarınıñ berse – Yosıf Stalin tuğan könendä wafat buluı da bik simvolik närsä buluın iskärtte. Küp törle fikerlär, ber yaqlı ğına bulmağan qaraşlar tudırğan älege şäxeslär turında bez bügen Aчык mikrofon säxifäseneñ çirattağı soraştıruında beleşergä buldıq. Qazanlılar alar turında ni uylıy, nindi mönäsäbät kürsätä?
-Niäzov naçar keşe bulmağan inde ul. Xalqına da yarağan. Stalin isä diktator bulğan. Küpme keşene xarap itkän. Şulay da Stalin bulmasa, Sovetlar berlege suğışta ciñä alır ide mikän? Yuqtır.
-Säpärmorat Niazov kitep barğaç, Törekmänstannıñ sänäğäte, sänğäte artta qalaçaq minemçä. Ul xalıq öçen şaqtıy eşläde. Şul uq waqıtta Niazovnıñ diktatorlığı da bik nıq sizelä ide. Ul ruslarğa qarşı buldı. Stalin inde bilgele wäxşineñ wäxşie ide.
-Niäzovnıñ kitüe qızğanıç. Ul stabil' tormışnıñ ber törle simvolı bulıp tora ide. Şulay da ruslarnı mısqıl itüe, älbättä, yaxşı xislär tudırmıy. Stalin turında bolay ğına äyter idem - änise Stalinnıñ ruxani bulıp eşläwen telägän bulğan, ägär dä Stalin şunda üz änisen tıñlasa, bälki bez xäzer başqaça yäşär idek..
-Niäzov belän Stalin bik oxşaş şäxeslär - alar ikese dä diktatorlar ide.
Al'bina Zäynulla
