Accessibility links

җомга, 9 декабрь 2016, Казан вакыты 11:01

Öfölä marşrut taksiźarı fetnäläy


Öfölä marşrut taksiźarı fetnäläy. Öföläge iñ oźon Ağas eşkärteü şirkätenän Teleüźäkkä tiklemge marşrut passajirźarźı xeźmätländereüźe tuqtattı. Bıl marşrut avtobustarı yörötöüseläre küptän tügel başqala xaqimiätendä uźğan tendr höźömtäläre menän riza tügellektären belderä. Öfölä passajirźarźı xeźmätländereüźe yaqşırtıu maqsatında avtotransport oyoşmaları arahında yıl da tendr uźğarıla. Unda qatnaşıusı oyoşmalarğa berense talap– keşe haulığı ösön yauaplı bulğan transport şirkättärenä üź texniqahın teyeşle räüeştä totou ösön şarttar bulırğa teyeş. Älege waqıtta başqalala Doq– Teleüźäk 226-sı hanlı marşruttı xeźmätländergän 70-tän aşıu avtobus xujaları ,,Öföavtotrans,, yämğiäte menän eşläp kilde. Bında maşinalarźı töźäteü häm ularźıñ yörötöüseläreneñ yalın oyoştorou ösön şarttar ber ni tiklem yaqşı bulğan. Läkin küptän tügel, marşrut tendr höźömtähe buyınsa ,,Texnika,, injener üźäge firmahına tapşırılğan. Bıl firmanıñ bazahı tik ös–dürt awtobus ösön genä täğäyenlängän, häm unda 70 avtobustı teyeşle räüeştä totou uñayınan şarttar bötönläy yuq. 226–sı marşrutta yöröüse voditeldär. ,,Öföavtotrans,, yämğiätendä eşläüselär ,,Texnika,, injener üźäge firmahı etäksehe, eşqıuar İğor Svattı tendrźı ğäźel eñmägän, qala xujaları menän äşnälekkä barıp rişäüät birgän tip iśäpläy. Elekke xuja häm avtobus yörötöüselär däğüä menän qala başlığı Pawel Qaçqaevqa häm haylap alıu konkursı oyoştorğan Nikolay Plotnikovqa möräjäğät itkän. Tik qala xakimdarı ularźıñ talabın yauaphıź qaldırğan. Şulay itep 226-sı marşrut avtobustarı yörömäy, üź siratında xalıq tuqtalıştarźa ularźı kötä, başqa avtobustarğa känserźäge balıq hımaq tığıla.

XS
SM
MD
LG