Accessibility links

шимбә, 10 декабрь 2016, Казан вакыты 08:16

Ural Räximov “Forbes” isemlegendä


Bu könnärdä törle illärdäge kiñ cämäğätçelek “Forbes” jurnalı bäyän itkän iñ soñğı mäğlümatlarnı qızıqsınıp öyränä. Anda tanılğan matbuğat basması dönyadağı iñ bay eşquarlarnıñ mölkäte küläme xaqında yaña sannar kiterä. Älege isemlektän kürenüençä, soñğı ber yıl eçendä Rusiädä dollar milliarderları sanı beryulı 19 ğa artqan häm cämğısı 53 kä citkän. Xäzer Rusiä bayları Amerika Quşma Ştatları belän Albaniädän soñ, isemlektä öçençe basqıçnı bili.

Başqortstan bayları da töşep qalğannardan tügel. “Forbes” jurnalı isemlegenä respublika Prezidentınıñ berdänber ulı Ural Räximov ta kergän. Ul 2 milliard dollar baylığı belän bar dönya milliarderları isemlegendä 488 nçe basqıçta. Küptän tügel Ural Räximovnıñ Rusiä bayları isemlegendä 89 milliard sum aqçası belän 30 nçı urında kilüe xaqında da äytelgän ide.



“Forbes” isemlegendä Başqortstan iqtisatı belän bäyläneşe bulğan başqa milliarderlarnıñ da isem-şärifäläre atalğan. Alar tumışları belän Başqortstannan tügel, ämma soñğı yıllarda respublikadağı iñ tabışlı şirkätlärne satıp alıp, baylıqların tağın da işäytkän zatlar.

XS
SM
MD
LG