Accessibility links

пәнҗешәмбе, 8 декабрь 2016, Казан вакыты 23:04

Şağir Zölfät wafat buldı


Äle yaña ğına M.Äglämovnıñ 60 yıllıq yubiley ütte. Soñğı kiçäsendä aña xalıq şağire iseme tapşırıldı. Küp tä ütmi Ğ.Tuqay büläge iäse Zölfätkä 60 yuaş tuldı. Yubiley kiçäsenä kilgän ädäbiät söyüçelär häm anda çığış yasağan ädiplär äytüençä, Zölfät xäzerge zaman tatar şağirläreneñ iñ zatlılarınnan häm çın xalıq şağire bulıp ölgergän ide. Qızğanıçqa qarşı, Zölfät tä tizdän arabızdan kitte. İke şağir tormışta da bergä bulğannar. Alarnı Zölfät belän Mödäris dip kenä yörtkännär. Gür quyınına da alar ber ük aylarda kerep yattılar. İkeseneñ dä şığır yulları yaralı, qaynar qanlı yöräk kebek küñellärdä tibep yatalar. Zölfätneñ kitüe dä milli cämäğätçelek tarafınnan awır qabul itelde. Radio, televideniedän xäbär itelmäsä dä, çärşämbe irtäsendä Qazanlılar Zölfätneñ wafat bulu turında xäbärdar ide. Tatarstannıñ Möslim rayonında tuıp üskän, milli canlı şäxesneñ, 16 aprel’dä Qamal teatrında ütkän icat kiçäse, şul qädär ixlas häm ilhamlı ide. Anı därtle häm moñsu Zölfät belän xuşlaşu kiçäse ikänlegen kem uylağan?! Şul kiçäneñ qayber mizgellären iskä alsaq, şağir Rädif Ğataş üz çığışında bolay digän ide:

Şiğerendäge kebek kiläçäkne xıyallardan dawladı da, ayuladı da.

Bügenge köndä Zölfät tatar xalqınıñ iñ siräk talantlı şağire.

Yazuçılar berlege räise İlfaq İbrahimov Zölfätneñ ädäbiätkä kilüe häm anıñ şiğriättäge ostazları xaqında bolay digän ide: Ostazlarınnan digändä bez Tuqay, Taqtaş, Cälillär belän bergä Xäsän Tufan aña olpatlığın citkersä, xis digäne tabiğättän kilgän.

Kiçädä Zölfät Tatarstan kitap näşriätendä basılğan üzeneñ “Xoday sulışı” digän yaña cıyıntıqların ädäbiät söyüçelärgä taratqan ide. Anıñ äsärläre eçke ber köç belän suğarılğan, awıru buluına qaramastan ul haman aktiv icat itüen däwam itte häm buntarlege belän dä başqa şağirlärdän ayırılıp tora ide di, yazuçı Rabit Batulla.

Zölfät xalıq küñelendä Prometey yöräkle şağir genä tügel, dramaturg ta, jurnalist ta bulıp istä qalır. Qamal teatrı Zölfätneñ säxnä äsärläre belän bergä, ul tärcemä itkän Şekspir, Şiller dramaların da quydı. 60-70 yıllarda äle bik küplär tatar xalqı, tatar milläte, mädäniäte turında ber kälimä süz äytergä qurqıp yörgändä, Zölfät ütken-ütken şiğerlär yazdı: Kglardan da qurqıp tormadıq, döresen söyli idem. Äye şul, bez bäxetsez xalıq, di idem min. “Azatlıqnıñ” da moña role zur ide. Ägär keşe küñelendä azatlıq ruxı bulsa, ul barıber üz fikeren äytmi qalmıy inde ul.

May ayı köçle ruxlı şağirne arabızdan alıp kitüe belän tarixqa kerep qalır. Tatar xalqınıñ kürenekle ädibe Zölfät belän xuşlaşu pänceşämbe könne, S.Säydäşev isemendäge zur konsertlar zalında, irtänge säğät 10 uzaçaq.

XS
SM
MD
LG