Mosolmandar ösön izge ayźarźıñ berehe bulğan Ramaźan başlandı. Başqortostan mosolmandar diniä nazaratı räyese Nurmöxämät xäźrät respublika mosolmandarın täbrik itep ramaźan- ul tüźemlelek häm märxämätlek ayı tip belderźe. Möftöy ramaźandı täülekteñ yaqtı ölöşöndä rizıq eyeüźän tıyılıu ayı tip atanı. Säyäsi yuśıq ta täbriktän sittä qalmanı. Beź bıyıl 450 yıllıq yubileyźı bildäläybeź. Unıñ töp saraları tap oşo ramaźan ayına tura kilä. Nurmöxämät xäźrät bıl datalarźıñ tap kileüen osraqlı tügel, ul şatlıq häm säskä atıuğa kiltergängä şulay tine.
Tik donyala bayram menän bergä ığı- zığıhı la yänäş yöröy. Azatlıq radiohınıñ daimi tıñlausıları xäbarźar inde- Baymaq rayonında ber keşe urıś sirkäüen yandırğaynı. Baqtihäñ bında ber nindäy źä dini inanıuźar tügel, ä donyaui nizağtar bulğan ikän. Möftöy Nurmöxämät xäźrät urıś qoramın tergeźeüźä mosolmandar źa qatnaşır tigän ömötön etkerźe.
Möftöy äyteüensä, Öföläge Salauat Yulaev prospektındağı yañı mäset töźölöşöndä xristian dinen totousılar źa eşläy. Şulay bulğas, küp millätle häm törlö dinle Başqortostanda ber-bereñä yarźam iteü barı sauap qına.
Äytkändäy, pravoslav xalıqtar berlege fondı ultırışında Patriarx Aleksiy ikense, Başqortostanda dini yorttarźı tergeźeü buyınsa küp eştär başqarıla tigäyne.
,,Räsäy töbäktärendä qoramdarźı töźökländereü,, proğrammahı Başqortostanda yuğarı kimälgä quyılğan tip beldergäyne Patriarx Aleksiy ikense.
Başqortostan bilämälärendä 301 dini yort eşläp kilä. Bıl isemlekkä mäset häm qoramdar, sirkäüźär inderelgän.
