Accessibility links

сишәмбе, 6 декабрь 2016, Казан вакыты 08:44

Yevropa Berlege İran belän söyläşülär başladı


Yevropa Berlegeneñ Tışqı bäyläneşlär komissarı Chris Patten, Berlek, İran belän başlağan söyläşülärneñ konkret näticälären kürergä teli, dip belderde. Bügen İranda söyläşülärneñ ikençe öleşe başlandı. Uzğan yıl Brusseldä ütkän berençe söyläşüdä säwdä mäsäläse tikşerelgän ide. Ul çaqta İranda keşe xoquqları torışı, şulay uq, isäpkä alınaçaq, dielgän ide. İran isä, söyläşülär aldınnan nindi dä bulsa şart quyıluğa qarşı çığa. Kiçä prezident Möxämmät Xattami, häm Tıqşı eşlär ministrı Kamal Xarazi, Patten’nı, İran al şartlar qabul itmiäçäk, dip kisätte.

Quşma Ştatlar, Yevropa Berlegeneñ İran belän söyläşülär alıp baruına tänqit belderde. Uzğan yıl Amerikan prezidentı George Buş, İrannı, Ğiraq häm Tönyaq Korea belän berrättän, “zolım küçärenä” kertkän ide.

XS
SM
MD
LG