Quşma Ştatlar häm Könyaq Korea bügen urtaq xärbi künegülär başlap cibärde. Bu künegülär 1961 yıldan birle, yıl sayın ütep kilä. Läkin bıyıl ul Tönyaq Koreanıñ atom programması tiräsendäge kierenkelek şartlarında ütä. Şimbä könne Tönyaq Koreanıñ 4 xärbi oçqıçı, Yapon dingezeneñ xalıqara suları östennän oçqan Amerikanıñ ber küzläw oçqıçın qamawğa aldı. Atışu fälän bulmadı, Amerikan oçqıçı üzeneñ nığıtmasına isän-saw qayttı. Waşington räsmi protest belderergä cıyına. Pxenyan isä, Amerika belän Könyaq Koreanıñ urtaq künegülären Tönyaqnı basıp aluğa äzerlänü dip atıy, häm künegülärne tuqtatırğa çaqıra.
