Accessibility links

чәршәмбе, 7 декабрь 2016, Казан вакыты 15:45

Yevropa Berlege Çeçnyada uzğan refendumnı xupladı


Çeçnyanıñ Rusiä federatsiäseneñ ber öleşe buluın xuplap xalıqnıñ 96%tı tawış birgän. 23 mart könne uzğan referendum näticäläre bilgele bulğaç, Rusiä prezidentı Vladimir Putin , Çeçen xalqı tınıçlıq häm Rusiä belän bergä tärräqi itü yulın sayladı, dip belderde. Rusiäneñ bötenlegenä yanağan zur qurqınıç bette, dide Putin. Çeçen suğışçıları referndumnı “säyäsi uyın” dip atadı. Alar süzlärenä qarağanda Çeçen xalqınıñ küpçelege tawış birüdä qatnaşmağan. Rusiä yaqlı Çeçnya xakimiäte respublikada tawış birergä xoquqı bulğan 540 meñ keşeneñ 80%tı referendumğa kilde, dip xäbär itte.

Yevropa Berlege kiçä uzğan referundumnı “uñay adım” dip atadı. Komissiäneñ tışqı eşlärendäge matbuğat wäkile Diego de Oheda, nindi dä bulsa tärtipsezleklär turında xäbärlär yuq, referendum –Çeçnya mäs’äläsenä säyäsi çişeleş tabunıñ nigeze bulaçağına ömetlänüen belderde. “Çeçnya nizağın çişüneñ säyäsi yulı tabıldı dip ömetlänäbez, çeçnya xalqınıñ küpçelege dä monı yaqlap çıqtı, dide De Ohega. Referendum waqıtında Çeçnyada Yevropa Berlege yä Yevropada İminlek häm Xezmättäşlek Oyışması wäkilläre yuq ide. De Ohega, Yevropa Berlegeneñ Çeçnya säyäsäten üzgärtüenä irtä äle, dip östäde. Berlek monnan soñ da keşe xoquqlarınıñ torışın küzätep baraçaq. Referendumnıñ räsmi näticälär çärşämbe köngä äzer bulır dip kötelä.

XS
SM
MD
LG