Bügen Mäskäwdä Rusiäneñ tirä-yün möxit saqlaw oyışmaları neft häm gaz şirkätläreneñ waxşilärçä eşläwenä qarşı protest çarası uzdırdı. Çaranı oyıştıruçılarnıñ berse, Kedr partiäse citälçese Anatoli Panfilov süzlärençä, Rusiäneñ neft tabılğan töbäklärendä keşelärneñ urtaça ğömere 10 yılğa qısqaraq. Mitingta qatnaşuçılar Rusiä xakimiätlären kiçekmästän Ekologia Kodeksın qabul itergä häm neft kompaniäläre östennän cämğiät kontrole urnaştırırğa çaqırdı.
