Malmoe, Şvetsiä. İlneñ könyağında urnaşqan şuşı şähärdä bügen tönlä bulğan köçle yanğın cirle islam üzägen tulısınça yuq itte, läkin yanğın sünderüçelär alayda anıñ yanındağı mäçetne saqlap qala aldı. Şvetsiäneñ TT xäbärlär agentlığı, qotqaru xezmätläre mäğlümatına tayanıp, yanğın säbäpläre, monıñ ut törtü bulu-bulmawı turında fiker yörtü älegä irtäräk, yanğınnıñ oçraqlı ğına buluwın kürsätkän işarälär bar dip belderä. Ut İslam üzägendäge mäktäp häm yardäm kürsätü xezmäte urnaşqan binanı yuq itkän, yanğın waqıtında keşelärgä zian kilmägän.
