Accessibility links

шимбә, 3 декабрь 2016, Казан вакыты 22:48

Bağdadta BMOnıñ Ğiraqtağı yaña wäkile häm Ğiraqtağı AQŞ administratsiäse başlığı kiläçäktä barlıq mäs'älälärdä bergäläp eşlärgä kileşte.


Berläşkän millätlär oyışmasınıñ Ğiraqtağı yaña wäkile Sergio Vieira de Mello häm Ğiraqtağı AQŞ administratsiäse başlığı Paul Bremer oçraşıp kiläçäktä barlıq mäs'älälärdä, şul isäptän ildäge säyäsi küçeşneñ törle öleşlärendä bergäläp eşlärgä kileşte. İke citäkçe Ğiraqtağı tözekländerü eşe koalitsiä eşennän kiñräk xalıqara proyekt däräcäsenä kütärelä dip belderde.

Bügen başqala Bağdadtan 90 çaqrımlap tönyaqta Balad şähärendä kizüdä çaqta ber amerikan soldatı atıp üterelde. AQŞ xärbiläre bu turıda täfsilleräk mäğlümät birmi. Soñğı waqıtlarda Ğiraqnıñ üzäk öleşendä koalitsiä köçlärenä höcüm itep tiz genä qaçıp kitü oçraqları yış bulıp tora. Mondıy höcümnär näticäsendä berniçä distä soldat hälak buldı yä yaralandı.

XS
SM
MD
LG