Accessibility links

якшәмбе, 4 декабрь 2016, Казан вакыты 17:28

İndoneziä terrorçılarğa xökem çığardı


İndoneziädä, uzğan yıl Bali utrawındağı 200 keşeneñ häläkätenä kitergän terakt eşe buyınça berençe mäxkämä xökeme çığarılğan. Terakt oyıştıruçılarnıñ berse, Amrozi bin Nurqasıym gäyeple dip tabılğan häm ğömerlekkä iregennän mäxrüm itelgän. İndoneziä xäkimiätläre yaña teraktlar ixtimalı yuq tügel dip kisätä. Küptän tügel genä ilneñ başqalası Jakartada bulğan şartlawlarda törle mäğlümätlärgä qarağanda 10 alıp 14 kä qädär keşe hälaq bulğan, 150se yaralanğan ide. Politsiä teraktlar "Cämaa İslamiä" oyışması tarafınnan yasalğan dip sanıy. Balida bulğan şartlawlar öçen cawaplılıqnı da şul oyışma üz östenä alğan ide.

XS
SM
MD
LG