Bügen irtä belän bar Görciä diärlek elektrsız qaldı. Yağulıq häm Energiä ministrı Mamuka Nikolaişvili monı sabotaj ğämäle dip atadı. Frans Press agentlığı xäbär itüençä, kemder, Könbatış Görciädäge elektr ütkärgeçenä avtomattan ut açqan. Xäzer başqala Tbilisiğa elektr qaytarılğan, dip xäbär itelä. Bu xäl Nikolaişvilinıñ berençe eş könendä buldı. Elekke ministr David Mirtsxulava ildäge daimi elektr qıtlığı häm Telasi energiä şirkäteneñ 75 protsent aksiäsen Rusiäneñ Berläşkän Energo Sistemalarına satuwı öçen, tänqitkä tartılğan ide.
