Qazanda 2 meñnän artıq balanıñ yöräge sälämät tügel. Statistika sannarına qarağanda yöräk zäğiflege belän tuğan sabıylarğa waqıtında operatsiä yasalmasa, alarnıñ 25% 1 yäş tulğançı ülep kitä. Här operatsiä 10-12 million sum häm annan da qıybatraq tora. Şuşındıy sabıylarğa yärdäm itü öçen Bötenrusiä buylap, «bala yörägenä qağıl» digän xäyriä çarası ütkärelä başlıy. Bakulev isemendäge yöräk häm qan tamırları xirurgiäse üzäge täqdime belän Rusiä häm Tatarstan sälämätlek ministrlıqları, Qazan şähär xakimiätläre yärdämendä älege xäyriä çarası Tatarstanda da oyıştırıldı.
15nçe awgusttan başlap, zur kibetlär, sänäğät şirkätlärendä maxsus keşelär xäyriä çarası xaqında mäğlümat tarata başladı. Şähär sälämätlek idäräse belgeçläre süzlärençä, keçe häm zur biznes wäkilläre dä, ğadi keşelär dä balalar sälämätlege öçen buldırğan qädär yärdäm itärgä tırışa. Kemder açqa küçerä, ä kemder cihazlar büläk itä. Mäsälän meditsina cihazları zavodı «Bala yörägenä qağıl» çarası qısalarında operatsiä yasaw öçen 30 meñ sumlıq cihazlar büläk itkän. Tabiplar da Qazanğa yış ilep tora. Bakulev isemendäge fänni üzäk belgeçläre 18-19 avgustta Qazanğa 108 balanı tikşerep kitkännär ide inde. Awgustnıñ 29nda alar yañadan kilä häm Qazannıñ 6nçe şifaxanäsendä awıru balalarnı qarıy. Ütkän kilüdä tabiplar 47 balanı saylap aldı. Operatsiä yasalğançı, alar, Mäskäwgä barıp, Bakulev isemendäge yöräk häm qan tamırları xirurgiäse üzägendä centekle tikşerenülär ütärgä tieş.Elek
mondıy awırular byudjet yäki ximayaçılar yärdämenä genä ömet itä ala ide. Xäyriä çarası näticäsendä cielğan açqalar operatsiäne, yıllar buyı kötmiçä, waqıtında ütkärergä mömkinlek birä.
«Bala yörägenä qağıl» digän xäyriä çarası 30nçe awgustta tämamlana. Aña bağışlap ul könne Üzäk stadionında sport bäyräme bula. Ä stadion yanındağı yärminkälär mäydanında Rusiä estradası artistları çığış yasayaçaq. Älege çaralarda cielğan aqça şähär sälämätlek idäräseneñ xisabına küçereläçäk. Ä tıñlawçılarıbız arasında yärdäm itärgä teläweçlär bulsa, alar üz açqaların Qazan şähär sälämätlek idäräsenä, yäki, bäyräm könne, maxsus kiem kigän volonter, yäğni üz teläge belän yärdäm itüçelärgä birä ala.
Bikä Timerova.
