Bombay. Keşe xoquqların saqlawçı mäğlüm oyışma, "Amnesty İnternational", Ğiraqnıñ elekke citäkçese Saddam Xösäen ğiraqlılardan häm xalıqara belgeçlärdän torğan mäxkämä tarafınnan xökem itelergä tieş dip isäpli. Bu xaqta anıñ başlığı İrene Xan belderde. Anıñ fikerençä, xalıqara taläplärne qänäğätländergän mäxkämä genä Ğiraqnıñ üzendä dä, annan çittä dä, ışanıç qazana ala. Amerika Quşma Ştatları elegräk, Saddamnı Ğiraq mäxkämäse xökem itärgä tieş dip beldergän ide. Londonda urnaşqan "Amnesty İnternational" oyışması isä, Ğiraqtağı yaña qanuni wä mäxkämä sisteması älegä Saddam eşen qararlıq täcribägä häm belemgä iä tügel dip isäpli.
