Accessibility links

шимбә, 10 декабрь 2016, Казан вакыты 02:20

Aziädä "qoş gripı" tarala


"Qoş gripı" dip atalğan awıru taralğan Aziä illärenä bügen Tailand belän Cambodia quşıldı. Moña qädär ul Könyaq Korea, Yaponiä, Vietnamda terkälgän ide. Sälämätlek räsmilären bu çirneñ qoştan keşegä küçü oçraqları borçıy. Älegä awırunıñ keşedän-keşegä küçü oçraqları terkälmägän. Tailand räsmiläre äytüençä, bügen bu awıru 6 häm 7 yäştäge ike malayda tabılğan. Şul uq çir belän awırğan ber ir-keşe xastaxanädä wafat bulğan. Cambodia'da awıru başqala PhomPen yanındağı ber fermada tabılğan. Cirneñ keşegä küçü oçrağı älegä yuq. Bügen Yevropa Berlege Tailandtan qoş ite kiterügä tıyu kertte. Tailand, Braziliädän qala, Yevropağa iñ küp qoş ite cibärgän il bulıp tora.

XS
SM
MD
LG