Accessibility links

якшәмбе, 11 декабрь 2016, Казан вакыты 11:14

«Şärıq – şow» tamaşaları tämamlana


Uzğan programnarıbızda xäbär itelgänçä, Ufada 15 ğınwarda «Şärıq – şow» dip isemlängän cır – moñ bäyräme başlanğan ide.

Başqortstandağı kiñ bilgele «Roqsana» radiosınıñ tatar häm başqort tellärendäge «Şärıq» kanalı xezmätkärläre soñğı unike yılda oyıştırıp kilüçe bu bäyräm bıyıl tağın da qolaçlıraq ütä. «Şärıq – şow» tamaşalarında cır sänğäten söyüçelär İlham Şaqírov, Färidä Kudaşewa, Ramazan Yänbäqov kebek mäşhür cırçılarıbıznı kürü bäxetenä dä ireşte. İlham Şakirov bu tamaşalarnıñ berençe könennän axırına qädär qatnaşa. Tatarstannan kilgän säxnä yoldızları Zöfär Bilalov häm Zäynäp Färxetdinowa, Xämdünä Timerğäliewa, Göldaniä Xäyrullina, Firzär Mortazin, yäşlärdän Çulpan Mortazína, İlham Şärif häm başqalar Ufa tamaşaçısına yaña cırların täqdim itä. Kürenekle cırçıbız Färidä Kudaşewa Ufada unike yıl rättän yıl sayın «Şärıq – şow» tamaşaların oyıştıruçılarğa üzeneñ ixlas räxmät xislären äytä. «Älege matur tradísí kiläçäktä dä däwam itsen ide, – di xalqıbıznıñ söyekle cırçısı. – Mondí çara cır – moñ sänğätebezne kütärügä, anı yäşlär arasında tağın da xörmätleräk itügä zur öleşen kertä». «Şärıq – şou» tamaşalarınıñ ber konsertı bıyıl Stärletamaq şähärendä dä kürsätelde. Älege kürkäm sänğät bäyräme 24 ğínwarda Ufadağı yomğaqlaw konsertı belän tämamlana.

Fänis Fätxi, Ufa



XS
SM
MD
LG