Accessibility links

пәнҗешәмбе, 8 декабрь 2016, Казан вакыты 06:56

İsrael ğaskärläreneñ reydlarında 5 fälestinle hälak buldı


İsrael ğaskärläreneñ bügen Gazanıñ könyağında, Khan Yunis şähäre yanında urnaşqan Abbasanin awılına kerep fälestin suğışçıların ezläwläre näticäsendä kimendä 5 fälestinle hälak bulğan, dip xäbär itelä. Frans Press mäğlümät agentlığı xäbär itüençä ber keşe häm anıñ xatını – qulğa alınğançı qaçırğa tırışqanda atıp üterelgän. Tağın 3 keşe atışlarda hälak bulğan. İsrael premyer-ministrı Ariel Şaronnıñ kiñäşçese Dore Gold, İsrael xärbi köçläreneñ bu adımın aqlarğa tırışıp – İsraelneñ başqa çarası qalmadı, dip belderde: "Yañadan, İsraelneñ başqa çarası yuq, ul üze Gaza sızığında terror çeltären yuq itergä mäcbür, çönki terror çeltäre İsrael xalqına ğına tügel, şulay uq fälestinnärgä häm İsrael ğaräplärenä qurqınıç tudıra," dide Ariel Şaronnıñ kiñäşçese Dore Gold. İsrael xärbiläre häm fälestinnär yağında şulay uq cärähätlär aluçılar da bulğan, 3 yort cimerelgän, dip xäbär itelä.

XS
SM
MD
LG