Accessibility links

пәнҗешәмбе, 8 декабрь 2016, Казан вакыты 17:21

Venesuela ilçese – Ufada


15 - 16 aprel könnärendä Başqortstanda Venesuelanıñ Rusiä Federätsiäsendäge Ğädättän tış häm tulı xoquqlı ilçese Karlos Mendos Pottelya eş säfäre belän bulıp kitte. Ufağa kilep töşkäç tä jurnalistlarğa birgän äñgämäsendä ilçe äfände üzeneñ Başqortstanğa kilüye maqsatları turında söyläp, ike respublik arasındağı säwdä – iqtisadıy xezmättäşlekne kiñäytü mäsäläläre tikşereläçägen äytkän ide.

Täwge könne Venesuela ilçese Başqortstan premer – ministrı Rafael Baydäwlätov belän oçraşuda çınlap ta söyläşülärneñ zur öleşen Venesuela belän Başqortstan arasındağı üzara iqtisadıy bäyläneşlärne kiñäytü temına bağışladı. Anıñ süzlärençä, Wenesuelanı iñ täwge çiratta Başqortstannıñ neft eşkärtü tarmağı qızıqsındıra.

Yuğarı däräcäle qunaq säfäreneñ ikençe könendä Başqortstannıñ neft çığaru häm eşkärtü yünäleşläre belän yaqınnan tanışu öçen, «Ufaneft» idaräsendä häm Salawat şähärendäge «Salawatnefteorgsintez» berläşmäsendä buldı, andağı texnologik protsesslar turında beleşte. Comğa könne Wenesuela ilçese Ufadağı tağın berniçä şirkättä häm oyışmada bulıp alarnıñ eşçänlege belän dä tanıştı, şulay uq başqalanıñ istälekle häm kürkäm urınnarın da qarap yörde.

Säfäre azağında Başqortstan citäkçeläre belän oyıştırılğan oçraşuda Venesuela ilçese bıyıl may ayında Venesuela belän Rusiä prezidentlarınıñ yuğarı däräcädäge oçraşuı bulaçağı xaqında äytte. Anda ike il prezidentı üzara xezmättäşlek turında generäl Kileşüne imza itäçäk ikän. «Ul Kileşüdä Başqortstan şirkätläre belän xezmättäşlek proyıqtları da çağılış tabaçaq», – dip belderde ilçe äfände. Anıñ süzlärençä, Ufa neft institutında kiläse yıldan Venesuela studentların uqıta başlaw turında bügennän ük inde üzara kileşü bar.

XS
SM
MD
LG