Accessibility links

сишәмбе, 6 декабрь 2016, Казан вакыты 15:12

Ufada «Altın ay» tatar sänğät törkeme tamaşaları başlana


15 üktäber köne Başqortstan tatar sänğäte tormışında istälekle kön bulıp tarixqa keräçäk. Başqortstanda yäşäp icat itüçe talantlı tatar yegete Elmir Ğäzizullin Ufanıñ şähär mädäniät sarayında respublik tamaşaçılarına üze oyıştırğan sänğät törkemeneñ täwge zur konsertın kürsätä. «Altın ay» digän bik matur isem alğan icat törkeme «Cırlarım – duslarıma» dip isemlängän ör – yaña proğramma belän çığış yasıy. Elmir Ğäzizullin, Ufa däwlät sänğät institutın tämamlağannan soñ, berniçä yıl «Nur» tatar däwlät drama teatrında eşläde. Anda qısqa ğına arada istä qalırlıq obrazlar icat itep tamaşaçılarnıñ söyüen yawlap ölgergän ide. Ämma cırğa tartıluı anı «Aydar» teatr – studiäsenä alıp kilde. Biredä öç yılğa yaqın eşläp aldı ul. Aydar Ğälimovnıñ kiñäşen totıp, Elmir yıl yarım elek üzallı icatqa totındı häm «Altın ay» isemle ayırım sänğät törkeme oyıştırdı. Menä xäzer tamaşaçılar anıñ şuşı debyütın kürep, anıñ berençe zur eşenä bäyä biräçäk. Täwge könne konsertı başlanır aldınnan bez Elmir Ğäzizullin belän oçraşıp qısqa ğına äñgämä qorıp aldıq. Başqortstan şartlarında saf tatar sänğät törkeme oyıştıru häm anı eşlätü ciñel eşlärdän tügel. Ämma «Altın ay» törkeme citäkçese kiläçäkkä zur ömetlär belän qarıy. «Altın ay» törkeme Ufada 16 üktäber könne dä çığış yasıy. Meñ keşe sıyışlı «Yübileynıy» mädäniät sarayına biletlar satılıp ta betkän inde. Yaña konsert proğramması belän E. Ğäzizullin citäklägän «Altın ay» icat törkeme tizdän Qazan tamaşaçıları aldında da çığış yasarğa äzerlänä.

Fänis Fätxi, Ufa

XS
SM
MD
LG