Accessibility links

чәршәмбе, 7 декабрь 2016, Казан вакыты 21:29

...2002 canisäp näticälären yalğan dip sanıy


Başqortstanda 2002 yılda ütkän xalıq isäben alunıñ milli sostavqa qarağan öleşe näticäläre xaqında tanılğan tatar ğälime, etnologiä belgeçe İldar Ğabdrafiqov utırışta ikençe mäsälä buyınça töp notıq belän çığış yasadı. Äle Başqortstanda xalıqnıñ milli sostavı buyınça räsmi mäğlümatlarnı haman da bäyän itmilär. Ämma İldar äfände ul mäğlümatlarnı küptän tügel Mäskäwdän alıp qayttı. Küplär xäterlider, qayber sannarnı ul «Azatlıq» radiosına birgän äñgämäsendä dä bäyän itkän ide. İşetmägännär öçen iskä töşerep ütäbez: uzğan canisäp yomğaqlarına qarağanda, Başqortstanda tatarlar xalıq sanı buyınça elekke ikençe urınnan xäzer öçençe urınğa tägärägän. Utırışta İldar Ğabdrafiqov bu näticälärneñ tulısınça yalğan buluına kire qaqqısız dälillär kiterde.

Artaban çığış yasawçılar Başqortstanda xalıq isäben alu yomğaqlarınıñ uydırma buluın kiñ cämäğätçelekkä citkerü yünäleşendä kiläçäkkä qayber çaralar täqdim itte. Bu mäsäläne ayırım kön tärtibenä kertep, zur kiñäşmä uzdırırğa kiräklege dä äytelde. Ul kiñäşmä nöyäber urtalarında uq cıylaçaq. Professor Cäwdät Ğiläcetdinov isä, bu mäsäläne fänni nigezdä tikşerü öçen, ozaqqa suzmıy Ufada ğilmi konferensiä ütkärergä täqdim itte. Başqalar da anı xupladı häm aña Qazannan da bilgele ğälimnärne çaqırırğa kiräklegen äytte.

Utırışta Başqortstan rayonnarında Tatar milli – mädäni moxtäriätläreneñ urınnardağı büleklären oyıştıru barışı xaqında da täfsille söyläşü buldı. Bu xaqta ağımdağı mäğlümatlar belän Mäcit Xucin tanıştırdı. Anıñ süzlärençä, respublikanıñ utızdan artıq rayonında 27 nöyäbergä qädär tatar milli – mädäni moxtäriätläreneñ urınnardağı büleklären oyıştıru cıyılışları ütep betäçäk. Ä 27 nöyäber könne Başqortstan tatarlarınıñ zur qorıltayı cıyılaçaq. Näq menä şul cıyında Tatar milli – mädäni moxtäriäteneñ Başqortstan respublikası bülegen tözü qaralğan. Moxtäriätlärneñ rayonnardağı büleklären oyıştıru cıyılışlarınıñ bik awırlıq belän baruı da bilgelände. «Bu eşkä rayonnar xakimiatları nıq qına ayaq çala, – dide Mäcit Xucin. – Ämma bernigä qaramıy bu eş azağına citkereläçäk häm tatar milli – mädäni moxtäriätläre Başqortstanda kiläçäktä zur köçkä äylänäçäk».

Utırışta qatnaşuçılar kön tärtibendä tikşerelgän qayber mäsälälär buyınça tiz köndä xatlar häm qararlar äzerlärgä kileşte.

XS
SM
MD
LG