Accessibility links

чәршәмбе, 7 декабрь 2016, Казан вакыты 11:40

Arafat däwalaw öçen Fransiägä kiterelde


Fälestin citäkçese Yassir Arafat Fransiäneñ xärbi xastaxanäsendä däwalanu öçen Parij yanındağı xärbi bazağa kiterelde. Arafatnıñ zur qan probleması bar dielä. Tabiblar äytüençä, monıñ berniçä säbäbe bulırğa mömkin. Qan ragı yäki bawır awıruı da säbäp bula ala dielä. Arafatnıñ xäle niçek buluın häm anıñ xastaxanädä ni qädär bulaçağın äytmilär. Arafat Könbatış Yardağı utırmasınnan başta boralaq belän İordaniägä kiterelde, annan oçqıç belän Fransiägä kiterelde. Arafatnıñ baş kiñäşçese Näbil Abu Rdeyne Arafanıñ awıruı Fälestin Citäkçelgenä tä'sir itmiäçäk dide. Fälestin xakimiäte soñğı 30 yılda niçek idarä itelgän bulsa alğa taba da şulay idarä iteläçäk. Bu qanun häm tärtip saqlanıp qalaçaq häm prezident Arafat üz tiräsendäge keşelärgä, şul isäptän premyer-ministr Äxmät Quraiğa häm başqa citäkçelärgä tulısınça ışana dide Rdeyna. 2002-nçe yıldan birle İzrail' köçläre Arafatnı Ramallada öy sağı astında tottı. Kiçä İzrail' räsmiläre arafat çittä däwalanğannan soñ Könbatış Yarğa qaytsa aña kerü röxsät iteläçäk dip belderde.

XS
SM
MD
LG