Yevropa Berlege-Rusiä sammitı Noyäberneñ 25-enä küçerelgän. Bu turıda bügen Yevropa Berlegendä räislek itüçe Hollandia iğlan itte. Haagada ütäçäk samitta Rusiä törkemen prezident Vladimir Putin citäkliäçäk. Başta bu sammit Noyäberneñ 11-nä, yağni bügengä bilgelängän ide, läkin räsmi Mäskäw anı küçerergä soradı. Brusseldäge çığanaqlar äytüençä, küçerü säbäpläreneñ berse – Rusiä citäkçeläre Yevropa komissiäseneñ yaña prezidentı Joze Barroso häm anıñ idaräse belän oçraşırğa teläk beldergän. Yevropa Parlamentı raslağan oçraqta, Berlekneñ başqarma idaräse wazifasına Noyäberneñ 22-sendä kereşergä tieş.
