Accessibility links

пәнҗешәмбе, 8 декабрь 2016, Казан вакыты 07:05

Başqortstan tatarları Tatarstan bülägen aldı


Başqortstannıñ kürenekle tatar ğalimnäre häm möğallimnäre Radik Sibäğätov belän Sufiän Powarıysov «Tatarstan Respublikasınıñ atqazanğan fän eşleklese» digän maqtawlı isemgä layıq buldı. Alar ikese dä Başqortstan däwlät universitetında eşli. Radik Sibäğätov universitetnıñ tatar filoloğiäse kafedrası mödire, ä Sufiän Powarıysov – şuşı uq kafedranıñ professorı, abruylı möğallim. İke moxtäbär zat ta älege yuğarı isemgä küpyıllıq näticäle fänni – pedağoğık eşçänlekläre öçen layıq bulğan. Bu xaqta büläkläw turındağı färmannarda yazıla. Radik Sibäğätov Başqortstanda ozaq yıllar tatar filoloğiäsen üsterügä zur öleş kertä, bixisap fänni xezmätläre näşer itelde anıñ. Moñardan tış Radik äfände bik aktiv cämägät eşleklese dä. Başqortstan Tatar kongressı Başqarma qomitetı räise urınbasarı bularaq, ul respublika tatarları mänfägätlären yaqlaw täñgälendä baytaq igelekle eşlär başqardı. Ä Sufian ağa Powarıysov möğallimlek eşçänlegennän tış talantlı yazuçı bularaq ta mäğlüm. Anıñ ataqlı ädip Ğälimcan İbrahimov xaqındağı triloğiäse häm başqa proza äsärläre ädäbi tänqitçelär yağınnan yuğarı bäyälände häm uquçılar tarafınnan bik cılı qabul itelde.

Fänis Fätxi, Ufa

XS
SM
MD
LG