Rusiädäge yähüd cämğiätläre däwlät duması deputatlarınıñ yähüd oyışmaların ekstremist oyışma dip atap tıyarğa çaqıruına açu belderde.
Bu ayda 20-läp deputat baş prokurornı yähüd oyışmalarınıñ eşen tikşerergä häm alarnı ekstremizmğa qarşı qanun nigezendä tıyarğa çaqıruçı xat imzalağan ide.
Bu atnada älege xatnıñ eçtälege cämäğätçelekkä iğlan itelde häm ul xoquq yaqlaw oyışmalarında, yähüdlär arasında qatı açuğa säbäp buldı.
Vladimir Jirinovski citäkçelegendäge älege törkem "böten demokratik dönya bügen yähüdlärneñ finans häm säyäsi kontrole astında" dip belderä.
Rusiäneñ baş rabbinı Berl Lazar Auşwitsnıñ azat itelüenä 60 yıl tulunı bilgelärgä äzerlänüçe 1 millionlap Rusiä yähüdendä älege xat ğäcäplänü uyattı dide.
