Mäğlüm buluınça, Başqortstan parlamentı äğzaları üzläreneñ 27 ğinwarda ütkän soñğı utırışında respubliknıñ möstäqillegenä tämam soñğı noqtanı quydı. Berkemgä dä ser tügel, Başqortstan üzeneñ möstäqillege turında iğlan itkän deklaratsiäsennän, Mäskäw basımı astında, ike-öç yıl elek ük qolaq qaqqan ide. Asılda anıñ iseme genä torıp qalğan ide. İnde menä şul isemnän dä, yağni «möstäqillek» digän töşençädän dä waz kiçte Başqortstan parlamentariyları. 27 ğinwarda uzğan utırışta respublik deputatları «möstäqillek» töşençäse telgä alınğan barlıq xoquqıy aqtlarğa üzgäreşlär kertte, ikençe törle itep äytkändä, respublik qanunnarındağı möstäqillek turında süz barğan urınnarnı ğämäldän çığaru turında qararlar qabul itte. İñ qızığı şunda – bu eşne parlament äğzaları şaw-şusız, xalıqqa älläni söyläp tormıy ğına eşläp quydı. Ul qararlar qayber räsmi gäzitlärdä bu atnada keçkenä genä itep bastırıp çığarıldı. Şulay itep Başqortstannıñ 14 yıl däwam itkän möstäqillek turındağı deklaratsiäse tämaman cirlände, tarixta qaldı. Älege ciñelügä parlamentariylar añlatma birüdän baş tarta. Qaysı ğına deputatqa şuşı xaqta fiker äytüen sorap möräcägät itsäk tä, alarnıñ berse dä «Azatlıq» radiosına üzläre qabul itkän qararğa mönäsäbäten belderergä rizalaşmadı.
Şunnan bez bu mäsälägä Başqortstan möstäqillegen härçaq yaqlap çığış yasawçılarnıñ berse, respubliktağı kürenekle ğälim – sotsioloğ, Rusiä Fännär aqädemiäse aqädemiğı Fänil Fäyzullinnıñ qaraşın belergä buldıq. Menä nilär söyläde ul.
(Fäyzullin)
Sez Başqortsandağı tanılğan ğälim-sotsioloğ, Rusiä Fännär aqädemiäse aqädemiğı Fänil Fäyzullin fikerlären tıñladığız
Şunnan bez bu mäsälägä Başqortstan möstäqillegen härçaq yaqlap çığış yasawçılarnıñ berse, respubliktağı kürenekle ğälim – sotsioloğ, Rusiä Fännär aqädemiäse aqädemiğı Fänil Fäyzullinnıñ qaraşın belergä buldıq. Menä nilär söyläde ul.
(Fäyzullin)
Sez Başqortsandağı tanılğan ğälim-sotsioloğ, Rusiä Fännär aqädemiäse aqädemiğı Fänil Fäyzullin fikerlären tıñladığız
