Accessibility links

сишәмбе, 6 декабрь 2016, Казан вакыты 11:09

İran Rusiädän atom yağulığı alu turında kileşü imzalarğa cıyına


Ul yağulıq Rusiä tözegän Buşer atom elektr stansiäsendä qullanılaçaq. İran atom energiäse oyışması başlığınıñ urınbasarı Asadulla Saburi däwlät televideniesenä kileşü Rusiä atom energiäse idaräse başlığı Tähranğan kilgäç 26-nçı fevral'dä imzalanaçaq dide. Yıllar buyı däwam itkän söyläşülär näticäsendä äzerlängän bu kileşü nigezendä İran qullanılğan atom yağulığın Rusiägä qaytarırğa tieş bulaçaq. Rusiä häm Könbatış däwlätläre İran qullanılğan atom yağulığın eşkärtep atom qoralı yasawda faydalanırğa mömkin digän borçılu belderde. İrandağı berdänber atom elektr stansiäse bu yıl axırında eşlätep cibärelergä häm 2006-nçı yılda bar köçenä eşli başlarğa tieş.

XS
SM
MD
LG