Xalıqara Atom Energiäse İdaräse başlığı Möxämmät äl Baraday AQŞnı İrannıñ atom programması turındağı söyläşülärgä quşılırğa çaqırdı.
El Baraday Germaniädä çığuçı Şpiegel jurnalına Yewropa Berlegeneñ tırışlıqları barı tik bu söyläşülärgä Waşington da quşılğan oçraqta ğına uñış kiterä ala dide.
Waşington Tährannı atom qoralı yasarğa tırışuda ğäyepli, İran monı kire qağa. Fransiä, Britaniä häm Germaniä İrannı iqtisadıy xezmättäşlekkä almaşqa atom qoralları belän bäyle härtörle eşçänlekne tuqtatırğa künderü maqsatı belän söyläşülär alıp bara. Waşington ul söyläşülärdä qatnaşmıy. Şulay da kiçä kiç Bel'giä televideniesennän kürsätelgän interviewda AQŞ prezidentı George Bush diplomatiä yardämendä İrannı künderergä teläwen belderde.
