Ufada tatar xalqınıñ ataqlı ulı, mäşhür balet biyüçese Rudolf Nuriev isemendäge xalıqara balet festiwale zur uñış belän däwam itä. Bıyıl ul 11 nçe tapqır uzdırıluçı bu matur festivälneñ täwge könnärendä tamaşaçılar çit il qunaqları – Qähirä şähäreneñ opera häm balet teatrı balet truppasınıñ çığışların qarap läzzät kiçerde. Tamaşaçılarğa «Tanışular klubı», «Qarmino burano», «Lorkiana», «Qorsar», «Bolero» ber aktlı spektäkllären täqdim itkän bu teatr kollektiwı atnaqiç könne festiwäldä üz çığışların tämamladı.
Balet bäyrämen xäzer başqa sänğat kollektivları däwam itä. Tamaşaçılar S. Proqofyevnıñ «Aqqoş küle», X. Lewensxoldnıñ «Silfida», L. Minqusnıñ «Jizel», «Don Kixot», «Bayaderka», P. Çaykovskiynıñ «Yoqığa talğan güzäl» spektäkllären qarıy ala.
Balet bäyräme qısalarında Başqortstan däwlät opera häm balet teatrında Rudolf Nurievneñ Ufadağı ber köne xaqında fotokürgäzmä dä eşli başladı. Anda Rudolf Nuriev 1987 yılda bik qatı çirlägän äniseneñ xälen belergä dip Ufağa kilgän çaqta TASS ağentlığı fotoxäbärçese Wiktor Wonoğ töşergän distälärçä sürätlär urnaştırılğan. Tarixi ähämiätkä iä bu kürgäzmä tamaşaçılarda zur qızıqsınu uyata.
Fänis Fätxi, Ufa
Balet bäyräme qısalarında Başqortstan däwlät opera häm balet teatrında Rudolf Nurievneñ Ufadağı ber köne xaqında fotokürgäzmä dä eşli başladı. Anda Rudolf Nuriev 1987 yılda bik qatı çirlägän äniseneñ xälen belergä dip Ufağa kilgän çaqta TASS ağentlığı fotoxäbärçese Wiktor Wonoğ töşergän distälärçä sürätlär urnaştırılğan. Tarixi ähämiätkä iä bu kürgäzmä tamaşaçılarda zur qızıqsınu uyata.
Fänis Fätxi, Ufa
