Accessibility links

шимбә, 3 декабрь 2016, Казан вакыты 12:48

Human Rights Watch Gruziäne cäberläwgä qarşı çaralar kürmäwdä ğayepli


Keşe xoquqları torışın küzätüçe Human Rights Watch oyışması, Gruziä räsmiläre totqınnarnı cäberläwne beterä almadı, dip belderde. Bügen yasalğan älege belderüdä "2003nçe yılda Eduard Şevardnadzenı bärep töşerügä kitergän "göl inqilabınnan" soñ tözelgän yaña xökümät törmälärdä köç qullanuğa qarşı ber ni eşlämäde, dielgän. Human Rights Watch oyışmasınıñ Könyaq Kavkaz belgeçe Matilda Bogner, bügen Gruziä başqalası Tbilisidan bezneñ radioğa, xökümät kürgän çaralarnıñ näticäse yuq diärlek, dip söyläp birde: "Xökümät qayber reformalar ütkärde, plannarı tağın da zurraq. Ämma, yasalğan adımnarnıñ ällä ni näticäse bulmağanın kürdek. Cäberläw häm ezärlekläw turında bik küp şikäyätlär bar, häm alar äle dä tikşerelmägän. Cäberläw öçen cäza alğannarnıñ sanı küp tügel." Human Rights Watch oyışması xisabı "Gruziä: Bilgesez cäberläw reforması" dip atala.

XS
SM
MD
LG